Ռուսաստանում գտնվող Հայաստանի բազմաթիվ քաղաքացիներ այս օրերին դժվարին իրավիճակում են հայտնվել: Շատերը ցանկություն ունեն Հայաստան վերադառնալ, սակայն չեն կարողանում:
Ռուսաստանում Հայաստանի դեսպանատունը պայմանավորվածություն է ձեռք բերել դեպի Հայաստան մի քանի թռիչքներ իրականացնելու վերաբերյալ, որ այնտեղ մնացածները կարողանան ետ դառնալ:
Հաշվի առնելով ՀՀ քաղաքացիներից ոմանց մոտ ստեղծված ֆինանսական դրությունը՝ ավելի քան 150 հոգու հնարավոր է եղել ապահովել անվճար տոմսերով:
Ապրիլի 6-ին և 7-ին արդեն երկու թռիչք իրականացվել է, սակայն ոչ բոլորին է հաջողվել տոմս գնել ու վերադառնալ: Վերադարձածներին էլ ինքնամեկուսացրել են: Ստեղծված իրավիճակի շուրջ SHANTNEWS.am-ը զրուցել ՌԴ-ում ՀՀ դեսպան Վարդան Տողանյանի հետ:
