Նյու Յորքից լուսանկարիչը կարանտինի շրջանում հարևանուհու հետ ծանոթություն հաստատելու հնարամիտ միջոց է գտել: 28-ամյա երիտասարդը լուսամուտից նկարում էր Նյու Յորքի դատարկված փողոցները, երբ հանկարծ նկատել է հարևան տան տանիքին պարող աղջկան:
Նա անօդաչու սարքով երկտող է ուղարկել աղջկան՝ առաջարկելով ծանոթանալ: Երկտողի վրա երիտասարդը գրել է իր հեռախոսի համարը:
Ի պատասխան՝ աղջիկը գրել է.
«Ողջույն, քեզ գրում է աղջիկը՝ տանիքից»:
Պատասխան նամակից հետո տղան կազմակերպել է ժամադրություն՝ հեռավորության վրա: Նա պատշգամբում փոքր սեղանիկ է դրել և խնդրել աղջկան նույն կերպ վարվել: Տեսակապի միջոցով զրուցելով՝ զույգն անմիջապես ընդհանուր լեզու է գտել:
