Ու մեկնարկեց Ապրիլյան քառօրյա պատերազմը:
Ապրիլյան քառօրյա պատերազմը խրամատում կանգնած մեր հերոս տղեքն էին, փափուշտները վերջացած մինչև վերջին շունչը դիրքը պահող մեր տղեքն էին, բահով թշնամու տանկերի դեմ կռիվ տվող հերոս տղեքն էին, նռնակի ականը քաշող ու կյանքի գնով թշնամու դեմը առնող տղեքն էին, պոստը հանձնողներին հայհոյանք տվող տղեքն էին, թշնամու դեմ կռիվ տվող, խոտով սնվող հերոս տղեքն էին…
Ապրիլյան պատերազմը սահմանամերձ գյուղերի պադվալներում պատսպարված, ու թշնամու դեմ դուխները միլիոն` բռունցքներով կռիվ տվող գյուղացի տղեքն էին…
Ապրիլյան պատերազմը խրամատում զինվորների ֆոնին սելֆի անող շոու բիզնես կորվածի 10 երեսանի տղեքն էին… զինվորի անվան տակ մուրացկանություն հավաքող սրբապիղծ լրբի տղեքն էին… տեսախցիկի առաջ զինվորին մուրացկանի պես ողորմություն տվող շան տղեքն էին…
Ապրիլյան պատերազմը տանկերի ու գռուզավիկների վառելիքը մինչև վերջին կաթիլ ծծած լրբի տղեքն էին… զինվորի տուշոնկեն, անձեռոցիկն ու զուգարանի թուղթը պահեստներում պահած ազգի արյունը ծծողներն էին, զինվորին տուփով ծխախոտը շպրտող բռնաբարներն էին, բանակի շտապօգնության մեքենաները յուրացրած պղծվածներն էին, զինվորին ուղղված դպրոցականի նամակը պահող սրբապիղծներն էին, զինվորին 80-ականների զենքի հույսին թողած իշխանազավթ ազգակործաններն էին…
