Մեծ Բրիտանիայի վարչապետ Բորիս Ջոնսոնը վարակվել է կորոնավիրուսով: Այս մասին նա անձամբ է հայտարարել:
Նաև ասել է, որ հիվանդությունը թեթև է տանում, ինքնամեկուսանում է Դաունինգ սթրիթի իր կեցավայրում, կառավարությունը կշարունակի ղեկավարել այնտեղից:
«Ինձ մոտ նկատվեցին կորոնաիվրուսի թեթև ախտանշաններ՝ ջերմություն և հազ, ու բժշկի խորհրդով ես թեստավորվեցի, որի պատասխանը դրական է:
Այսպիսով ես աշխատում եմ տնից, ես ինքնամեկուսացված եմ, ինչը ամենաճիշտ բանն է, որ կարելի է անել։ Կապի մեջ եմ իմ թիմի հետ՝ առաջնորդելու եմ կորոնավիրուսի դեմ պայքարը»,- հայտարարել է Ջոնսոնը:
