Համացանցում է հայտնվել տեսանյութ, որում Իտալիայում գտնվող Բերգամո քաղաքում ռազմական տեխնիկայի շարասյունը տեղափոխում է կորոնավիրուսից մահացածների դիակները:
Ինչպես հայտնում է Sky-ը, քաղաքում վարակից մահացել է առնվազն 93 մարդ:
«Բերգամոյի դիակիզարանը, որն աշխատում է օրը 24 ժամ, կարող է դիակիզել 25 զոհ: Պարզ է, որ այն չէր կարող դիմակայել վերջին մի քանի օրերի ընթացքում առաջացած ծանրաբեռնվածությանը », — նշել է Բերգամոյի քաղաքապետ Ջիորջիո Գորին:
Այդ պատճառով էլ քաղաք է ժամանել ռազմական տեխնիկա, որն այլ քաղաք է տեղափոխելու դիերը՝ Մոդեն, Ակվի Տերմե, Պարմա և այլ քաղաքներ:
Նշվում է, որ զոհերի աճյունափոշին կվերադարձվի Բերգամո:
