Ռուսաստանի գլխավոր սանիտարական բժիշկ Աննա Պոպովան հրահանգել է շրջանների ղեկավարներին արտերկրից Ռուսաստան ժամանող բոլոր մարդկանց պահել 14 օր կարանտինում: Այս մասին հայտնել է RIA Novosti լրատվական գործակալությունը:
Մինչ այս, խոսքը միայն համաճարակաբանական անբարենպաստ պայմաններ ունեցող երկրներից ժամանած քաղաքացիների մեկուսացման մասին էր:
Հրամանագիրը ուժի մեջ է մտնում հրապարահման պահից:
Ռուսաստան ժամանող բոլոր մարդիկ պետք է տեղեկացնեն այդ մասին՝ զանգահարելով թեժ գիծ և ինքնամեկուսանան տանը, իսկ այդպիսի հնարավորության բացակայության դեպքում նրանց կուղարկեն հիվանդանոց:
