Թուրքիայի և Ադրբեջանի նախագահներ Ռեջեփ Թայիփ Էրդողանը և Իլհամ Ալիևն այսօր հեռախոսային խոսակցություն են ունեցել, որի ընթացքում պայմանավորվել են դադարեցնել տրանսպորտային հաղորդակցությունը երկու երկրների միջև` կորոնավիրուսի տարածումը կանխելու նպատակով: Այս մասին լրագրողներին հայտնել են Էրդողանի վարչակազմից:
«Բանակցությունների ընթացքում քննարկվել են երկկողմ հարաբերությունները, տարածաշրջանային այլ հարցեր, ինչպես նաև որոշում է կայացվել ժամանակավորապես կասեցնել ավիահաղորդակցությունն ու ցամաքային հաղորդակցությունը, բացառությամբ բեռնափոխադրումների»,- ասվում է հաղորդագրության մեջ:
Իր հերթին, Ալիևի վարչակազմից հայտնել են, որ «երկու երկրների նախագահները պայմանավորվել են ժամանակավորապես` մարտի 15-ից` ժ. 00:00-ից կասեցնել Թուրքիայի և Ադրբեջանի քաղաքացիների երկկողմ ուղևորությունները` ցամաքային և օդային ճանապարհով»:
