Իտալիայի մայրաքաղաք Հռոմում ազատ ոճի ըմբշամարտի Եվրոպայի առաջնությունում 61 կգ քաշային կարգում Արսեն Հարությունյանը բրոնզե մեդալ նվաճեց։
Նա գոտեմարտեց հույն Գեորգիոս Պիլիդիսի հետ և 10։0 հաշվով հաղթեց:
Հիշեցնենք, որ Արսենը որակավորման փուլում 6-0 հաշվով հաղթել էր Մակեդոնիայի ներկայացուցիչ Վլադիմիր Եգորովին, ապա 1/4 եզրափակչում 7-0 հաշվով առավելության էր հասել ուկրաինացի Իվան Բիլեյչուկի նկատմամբ: Արսեն Հարությունյանը կիսաեզրափակիչ գոտեմարտում լարված պայքարում 6-7 հաշվով պարտվել էր ՌԴ-ը ներկայացնող ռուս ըմբիշ Ալեքսանդր Բոգոմոևին:
Այսօր մրցագորգ դուրս կգան 92 կգ քաշային Մարզպետ Գալստյանը, որը բրոնզե մեդալի համար կգոտեմարտի Բելառուսի ներկայացուցիչ Ամարհաջի Մահամեդաուի հետ։ և 125 կգ քաշային կարգում Լևան Բերիանիձեն, որը բրոնզե մեդալի համար կպայքարի ադրբեջանցի Ջամալադին Մագոմեդովի հետ։
