ԱԺ փոխխոսնակ Ալեն Սիմոնյանը, արձագանքելով Էդմոն Մարուքյանի հայտարարությանը՝ հանրաքվեի քարոզարշավին չմասնակցելու մասին, նշեց, որ եթե իրենք պատասխանատվություն են կրում իրենց ընտրողների առջև, ապա պետք է այդ մարդկանց ուղղորդեն:
«Եթե դու դրան դեմ ես ու ոչ մի գործողություն չես անում, ապա ստացվում է, որ դու ուղղակի չես կողմնորոշվել և չգիտես՝ ինչով ես զբաղված: Նա հասկանում է, որ ժողովուրդը, ամենայն հավանականությամբ, գալու է և «այո» է ասելու, և դրանից խուսափում է:
Բայց միևնույն ժամանակ, նա չի կարողանում խուսափել իր անցյալից. նկատի ունեմ 2-3 օրը, որ կտրուկ հայտարարություններ էր անում, ասում էր՝ հնարավոր է՝ նաև գլխավորեմ և այլն: Չի կարողանում դրանից փախչել, միևնույն ժամանակ իրեն արդարացնում է:
Դա ընդամենը արդարացող և ցայտնոտի մեջ գտնվող քաղաքական ուժի ղեկավարի խոսք էր, որը չի հասկանում՝ ինչ է անում»,- նշեց Սիմոնյանը:
