Փաշինյանի կատարյալ սխեման․Ինչպես 5 օրում, գրչի մեկ շարժումով ոտնակոխ անել ապազգային ոհմակին

Այն, որ գալիք գարունը բեկումնային է լինելու մեր պետության համար պարզից էլ պարզ է։ Ժողովուրդն ունի սահմանադրական ճգնաժամը հաղթահարելու իրական հնարավորություն, որն ուղղակի պարտավոր է օգտագործել։ Գարնանը սպասվող կարևորագույն իրադարձություններին եկեք մի պահ հայացք նետենք մեկ այլ պրիզմայից, փորձելով հասկանալ դրանց նշանակությունն ու անատոմիան։

Ապրիլի 5-ին կայանալիք հանրաքվեից ընդամենը 5 օր առաջ, Արցախում տեղի են ունենալու նախագահական ընտրություններ։ Քաղաքական մի իրադարձություն, որ մերժված ոհմակը ամեն գնով փորձելու է օգտագործել որպես ռևանշի հասնելու հարթակ։ Սահմանադրական դատարանը ի դեմս Հրայր Թովմասյանի, ինչպես նաև Արցախի Հանրապետության իշխանությունները Մարտի 1-ի գործով գլխավոր ամբաստանյալ Ռոբերտ Քոչարյանի ազատության գլխավոր երաշխավոր Բակո Սահակյանի գլխավորությամբ, այսօր էլ շարունակում են հանդիսանալ նախկին ռեժիմի թափթփուկների հույսի վերջին օղակը։

Ու այսօր ժողովուրդն ունի բացառիկ հնարավորություն 5 օրվա ընթացքում, գրչի մեկ շարժումով ոտնակոխ անել ապազգային ոհմակին։ Ասել, որ մեր երկրի համար կենսական նշանակություն ունեցող երկու ընտրությունների 5 օրվա ընթացքում կայանալու փաստը զուգադիպության արդյունք է միամտություն կլինի։

Նիկոլ Փաշինյանի գլխավորությամբ, ՀՀ լեգիտիմ իշխանությունների կողմից մշակվել է մարտավարություն, որը նոկդաուն-նոկաուտ սխեմայով պետք է փոշիացնի պետության դեմ ակտիվ աշխատող դավադիրների ռեսուրսն ու վերջին հույսը։

Ավելի ստույգ, մարտի 31-ին Արցախի մեր հայրենակիցները ձևավորելով լեգիտիմ և ժողովրդավար իշխանություն պետք է նոկդաունի ենթարկեն քոչարյանասերժական խմբավորմանը, իսկ ապրիլի 5-ին այո ասելով Սահմանադրության փոփոխությունների նախագիծին, ՀՀ քաղաքացիները պետք է ամրագրեն վերջնական հաղթանակը նոկաուտով։

Ամեն ինչ ավելի քան պարզ է ու հստակ։ Եթե իրերն իրենց անուններով կոչենք, ապա պետք է արձանագրենք, որ սահմանադրական փոփոխություններին՝ «Ոչ» ասելու շուրջ արդեն իսկ ձևավորվել է քաղաքական օրակարգ, որի կարգախոն ըստ էության հետևյալն է՝ «Ազատություն մարդասպան Քոչարյանին»։