«Նոր քաղաքական մշակույթ» կուսակցության ղեկավար Անի Զախարյանը ֆեյսբուքյան իր էջում գրել է․
«Իմ լավ ընկեր Անդո Օհանյանը աղի բլիթը կերել և ինձ է տեսել երազում հեղափոխություն անելիս։ Դեեեե, ձեզ տեսնեմ աղի բլիթ կերածներ»։
Հիշեցնենք, որ «Հայաստանի նոր քաղաքական մշակույթ» կուսակցության նախագահ Անի Զախարյանը ստորագրահավաք է իրականացնում, որպեսզի դառնա ՀՀ վարչապետ, նա իրեն ՀՀ վարչապետի այլընտրանքային թեկնածու է համարում։
Նա նշեց, որ բացի ստորագրահավաքից նաև պետք է հավաքներ կազմակերպել Հանրապետության հրապարակում, որպեսզի ներկայից Կառավարությունը սթափվի։
«Եթե չսթափվեն, ապա մենք գնալու ենք լայնածավալ քաղաքական գործընթացների զարգացման ճանապարհով, և ես ինչպես հասկացա, սթափվելու միտում չունեն, քանի որ 2 ամիս առաջ իմ ներկայացրած վերջնագիրը որևէ բան չշարժեց Նիկոլ Փաշինյանի գլխում։
Մենք այնպես կանենք, որ իր գլխում փոփոխություններ տեղի ունենան և նա հասկանա երկրում կա լուրջ քաղաքական գործիչ, ով թույլ չի տալու, որ այս հակաիրավական ու հակասոցիալական գործընթացները զարգացում ապրեն»,-ասաց Զախարյանը։
