Կառավարության այսօրվա նիստում սպանդանոցների կառուցման համար տրվող պետական աջակցության ծրագրերը ամբողջացնելու համար վարչապետ Նիկոլ Փաշինյանը փորձեց կարճ քայլերով ցույց տալ, թե ինչ պետք է անել՝ նման ներդրումային նախագիծ իրականացնելիս։
Սակայն առաջին իսկ քայլի ժամանակ մի քանի գերատեսչությունների ղեկավարների մասնակցությամբ ծավալուն քննարկում սկսվեց․ դա դեռ այն կետն էր, որ սպանդանոց կառուցել ցանկացողը պետք է ունենա տարածք և թույլտվություն, սպանդանոցի նախագիծ։
Պարզվեց, որ այդ առաջին «աշխարհը» անցնելու համար մի փունջ փաստաթղթեր ու հաստատումներ են անհրաժեշտ։
«Էս դառավ պատմություն», – արձագանքեց Փաշինյանը։
