Այսօր լրագրողների հետ ճեպազրույցում ԱԺ փոխնախագահ Ալեն Սիմոնյանը այն հարցին, որ երեկ ՀՀ երկրորդ նախագահ Ռոբերտ Քոչարյանը հարցազրույց էր տվել, նշելով, որ արտահերթ ԱԺ ընտրությունների հավանականություն կա, արդյոք Սիմոնյանը տեսնո՞ւմ է հավանականություն, ԱԺ փոխնախագահը մինչ հարցին պատասխանելը նշեց.
«Ռոբերտ Քոչարյանը երկրորդ նախագահ չի եղել: Նա երբևիցե չի ընտրվել ՀՀ երկրորդ նախագահ, երկու ընտրություններն էլ վստահություն չեն ներշնչում ՀՀ քաղաքացիների մոտ»: Հարցին պատասխանելով՝ Սիմոնյանը նշեց.
«Ես կարծում եմ՝ պարոն Քոչարյանը կտրված է իրականությունից, ինչպես որ մշտապես կտրված է եղել: ՀՀ –ում որևէ արտահերթ գործընթացի կարիք չկա:
Եթե որևէ արտահերթ գործընթացի կարիք կա , ապա պետության հասցված այն վնասը ու վիճակը, որ մենք ժառանգություն ենք ստացել, այդ վիճակը լուծելու արտահերթ գործընթացի կարիք կա»:
