Սիմֆերոպոլից Մոսկվա ընթացող գնացքում Վորոնյեժի 36-ամյա բնակչուհին, գտնվելով ալկոհոլի ազդեցության տակ, գնացքի հատակին է նետել իր 10 ամսական դստերը:
Ինչպես հայտնում է Комсомольская правда-ն, կինը գնացքում է եղել իր սիրեցյալի և երկու դուստրերի հետ: Գտնվելով ալկոհոլի ազդեցության տակ՝ կնոջը նյարդայնացրել է երեխայի լացը և նա որոշել է ազատվել նրանից:
Անվտանգության տեսախցիկի կողմից տեսագրված կադրերում երևում է, թե ինչպես է կիսամերկ կինը դուրս գալիս իր սենյակից և խաղալիքի նման շպրտում երեխային: Ավագ դուստրն ու սիրեցյալը փորձում են խանգարել նրան, բայց՝ ապարդյուն: Զուգարանի մոտ ընկած երեխային վերցնում է 7-ամյա աղջիկն, ու բոլորը վերադառնում են սենյակ:
Նշվում է, որ հաջորդ կայարանում կինը և նրա սիրեցյալը ձերբակալվել են,10 ամսական երեխան շտապ հոսպիտալացվել է, իսկ ավագ դուստրը տեղափոխվել է անչափահասների սոցիալական վերականգնման կենտրոն:
