Առողջապահության նախարար Արսեն Թորոսյանի խորհրդական Աշոտ Սարգսյանը ֆեյսբուքյան իր էջում գրառում է կատարել եւ քննադատել «Իմ քայլը» խմբակցության պատգամավոր Սոֆյա Հովսեփյանի այն պնդումը, թե նախարարությունը որդեգրել է հիվանդանոցները փակելու վարքագիծ:
«Տիկին Սոֆյա Հովսեփյան, երբ դուք դեռ փոխմարզպետ էիք, կարող էիք զբաղվել բժիշկների կադրային քաղաքականությամբ, հագեցնեիք մասնագետներով Մարալիկի ծննդատունը, նրանց շնորհիվ ծնունդները կշատանային և բնականաբար աշխատավարձներն էլ կբարձրանար։
Շուտվանից գիտեիք նման խնդրի մասին, զբաղվեիք։ Ի վերջո ծննդատունը մարզպետարանի ենթակայության տակ է գտվում և մարզպետարանը ունի բուժվարչություն։
Կա պատճառ և կա հետևանք։ Այսօրվա առաջացած խնդիրը նաև ձեր չարածի հետևանք է»,-նշել է Աշոտ Սարգսյանը:
Տիկին Սոֆյա Հովսեփյան, երբ դուք դեռ փոխմարզպետ էիք կարող էիք զբաղվել բժիշկների կադրային քաղաքականությամբ, հագեցնեիք…
Posted by Ashot Sargsyan on Thursday, January 9, 2020
