Գիշերը Իրանի Իսլամական հեղափոխության պահապանների կորպուսի կողմից Իրաքում ամերիկյան ռազմաբազաների հրթիռակոծման ժամանակ կիրառվել են երկու տեսակի հեռահար հրթիռներ։ Այս մասին հայտնի է դառնում տարբեր աղբյուրներից, քանի որ Իրանից պաշտոնական տեղեկություններ չկան։
Ֆաթեհ (Fateh-110) հրթիռները հիշատակվում են իրանական աղբյուրներում։ Դրանք բալիստիկ են և ունեն մինչև 300 կիլոմետր հեռահարություն։
Ղիամ (Qiam-1) հրթիռների բեկորները հայտնաբերվել են իրաքյան ռազմաբազաների տարածքում,դրանցից մեկը եղել է չպայթած վիճակում Այս հրթիռները նույնպես բալիստիկ են ու կարող են թիրախներ խոցել մինչև 700-800 կիլոմետր հեռավորությունից։
Այս երկու հրթիռները, սակայն, ամենևին էլ ամենահեռահարը չեն Իրանի հրթիռային զինանոցում։ Իրանական հրթիռների հեռահարությունը այժմ հասնում է մինչև 2000 կիլոմետրի։ Իսկ մշակման փուլում գտնվողները գերազանցելու են այդ ցուցանիշը, ինչպես Սումարի դեպքում։
Իրանական قیام Qiam բալիստիկ հրթիռի մնացորդները Իրաքում: Դատելով լուսանկարներից՝ այս հրթիռը չի պայթել՝ մարտագլխիկի հատվածն է: https://en.wikipedia.org/wiki/Qiam_1
Posted by Razm.Info on Wednesday, January 8, 2020
