«Փաստորեն վայրենի կա քաղաքում… ինչ սանձարձակի մեկն է…». Աննա Հակոբյան

Վարչապետի կինը՝ Աննա Հակոբյանն ր ֆեյսբուքյան էջում նոր գրառում է կատարել, որտեղ անդրադարձել է համացանցում հայտնված սկանդալային տեսանյութին, որտեղ ՅԱՇԻԿԻ վարորդը ծեծի է ենթարկում տաքսու տարեց վարորդին:

Փաստորեն վայրենի կա քաղաքում։ Բայց ինչ սանձարձակի մեկն է, որ ձեռք է բարձրացրել 75 տարեկան մարդու վրա։ Իրավագիտակցության պակասն ու բռնության հակումներն այսպիսի հետևանքներ են ունենում։

Հանրային ու անձնական հարաբերությունները պետք է զերծ լինեն բռնությունից։

Հարցերը կարող են և պետք է պարզվեն իրավական ճանապարհով։ Եվ հոգատար հանրությունը նրա համար է, որ անտարբեր չլինի, հետ պահի, տեսանկարի մինչև ոստիկանությունը կհասնի։

Հիշեցնենք, որ Երևանի Պռոշյան փողոցում վթարից հետո տաքսու տարեց վարորդին ծեծած Mercedes ամենագնացի վարորդը հայտնաբերվել և բերման է ենթարկվել:

Այս մասին ասացին ոստիկանության հասարակայնության հետ կապերի բաժնից՝ հավելելով, որ վարորդն այս պահին ոստիկանությունում է և պարզվում են դեպքի մանրամասները:

Դեկտեմբերի 26-ից գիշերվանիցհամացանցում տեսանյութ էր տարածվում, որտեղ երևում է, թե ինչպես է Պռոշյան փողոցում մի վարորդը հարձակվում տարեց մեկ այլ վարորդի վրա:Ըստ ականատեսներից Գնել Հայրապետյանի՝ տաքսու վարորդը մոտ 75 տարեկան էր։