Վարչապետ Փաշինյանը Գյումրիում է

ՀՀ վարչապետ Նիկոլ Փաշինյանը Գյումրիում է: Ֆեյսբուքյան ուղիղ հեռարձակմամբ նա ներկայացրել է իր այցը՝ կից գրելով.

«Ծանոթանում ենք Գյումրիի Տիգրան Մեծ փողոցի հիմնանորոգման աշխատանքներին»։

Հիշեցնենք, որ 15 հազար մասից բաղկացած փազլի վաճառքից գոյացած գումարով տնակում բնակվող 2 բազմազավակ գյումրեցի ընտանիք այսօր բնակարանի տեր դարձավ: Նախաձեռնության հեղինակը «Գյումրին առանց տնակների» հիմնադրամն է:

Շահառուներից մեկը՝ 5 դուստր ունեցող Անուշավան Ծառուկյանը, փաստում է՝ սեփական միջոցներով դժվար թե կարողանային բնակարանի հարց լուծել. — «Դե պատկերացրեք, էս Հայաստանի պայմաններում մեկը դուք 5 երեխա ունենաք, կրնա՞ք համ պահել, համ բնակարան ունենալ: Ըդիք պտի օլիգարխ եղնիս, զավոդներ, գործարաններ ունենաս, որ հնարավոր եղնի: Սովորական քաղաքացի, որը կաշխատի օրական իրա ընտանիքը պահելու, լյուբոյն էլ, ինձ կթվա, չի կրնա էտքան երեխա պահե ու բնակարան գնի: Ըսիք մեծ նվեր էր, որը չենք կրնա մոռանալ, արդեն բնակարան ունենք, հետագայում ամեն ինչ ավելի լավ կեղնի, որովհետև մեր արդեն ներդրում, աշխատանքը արդեն երեխեքին բարեկեցիկ կյանք կապահովի», — ասաց նա:

5 դստրերից 11-ամյա Մելինեն բնակարանի մասին վաղուց էր երազում. — «Ես կերազեի, որ նորմալ տուն ունենայինք, խոնավ չեղներ, տաք եղներ»:

15 մլն դրամը հավաքվել էր ամիսներ շարունակ Գյումրիի կենտրոնում տեղադրված փազլի կտորների վաճառքից: Գյումրեցի նկարչուհի Սուսաննա Մկրտչյանի «Պապի ու տատի խոստացված մատաղը» նկարի յուրաքանչյուր կտորը վաճառվել էր 1000 դրամով: Փազլի առաջին ու վերջին կտորների գնորդը վարչապետ Նիկոլ Փաշինյանն էր: Ցանկություն ունեին հավաքված փազլը աճուրդի դնել ու գումարով կրկին բնակարան գնել