Ինչպես արդեն հայտնել ենք երեկ տեղի ունեցած ընտրությունների ժամանակ Հայաստանի ֆուտբոլի հավաքականի ավագ Հենրիխ Մխիթարյանի մայրը` Մարինա Թաշչյանը, չի ընտրվել Հայաստանի ֆուտբոլի ֆեդերացիայի Գործկոմի կազմում։
Լուրեր են շրջանառվում, որ Հենրիխ Մխիթարյանը պատրաստվում է լքել ֆուտբոլի ազգային հավաքականը։
Մեզ հետ զրույցում Մարինա Թաշչյանն ասաց. «Ես Հենրիկի հետ միայն ծնողական կապ ունեմ։ Որոշումը թող ինքը կայացնի, նա խաղում է ազգի համար։ Ինքը արդեն թող որոշի, եթե իր մորը վիրավորել են, կշարունակի, թե ոչ»,-ասաց Թաշչյանը։
Հարցին, թե ինքն ինչ դիրքորոշում ունի այդ հարցի շուրջ, ֆուտբոլիստի մայրը պատասխանեց. «Ես դեմ եմ, որ չշարունակի, ինքը խաղում է ազգի համար, ուղղակի Հենրիկը հիմա վիրավորված է իրենց վերաբերմունքից»։
Նյութի աղբյուր՝ armdaily.am
