Ուկրաինայի մայրաքաղաք Կիևում դեկտեմբերի 21-ին տեղի է ունեցել Ուկրաինայի Հայերի միության ամենամյա համաժողովը, որին ներկա են եղել Ուկրաինայի և Հայաստանի խորհրդարանների պատգամավորներ, Հայաստանի սփյուռքի հարցերի գլխավոր հանձնակատար Զարեհ Սինանյանը, հայ և ուկրաինացի մեդիափորձագետներ, մշակույթի ու քաղաքական գործիչներ։
Համաժողովին ներկայացվել է Երևանում սքեյթի համար նախատեսված այգու ծրագիր։ Ուկրաինայի Հայերի միության նախագահ Վիլեն Շատվորյանն ասել է, որ դա լինելու է ուկրաինահայերի նվերը Հայաստանի մայրաքաղաքին։
Առանձնահատուկ նշվել է Ուկրաինայի և Հայաստանի ԶԼՄ-ների համագործակցության անհրաժեշտության մասին։ Այդ առումով ծավալուն աշխատանք է կատարում Կիևի հայկական AnalitikaUA.net լրատվական գործակալությունը։
Համաժողովին հաջորդած տոնական միջոցառման ժամանակ հայ-ուկրաինական կապերի ամրապնդման համար ունեցած ավանդի համար պարգևատրվել են հայ և ուկրաինացի մի շարք քաղաքական և մշակույթի գործիչներ, լրագրողներ և վերլուծաբաններ:
Նյութի աղբյուր՝ shantnews.am
