Երգիչ, դերասան Միհրան Ծառուկյանը Ինստագրամի իր էջում Արփի Գաբրիելյանի հետ հարսանիքից նոր տեսանյութ և լուսանկար է հրապարակել։ Տեսանյութը երգիչը մակագրել է՝ «Առավոտը սկսվեց այսպես»։
Դերասանի հրապարակած լուսանկարին կից գրառումից պարզ է դառնում, որ պսակադրության արարողությունը կայացել է Էջմիածնի Սուրբ Շողակաթ եկեղեցում։
Հիշեցնենք` Միհրան Ծառուկյանն Արփի Գաբրիելյանին ամուսնության առաջարկ էր արել նոյեմբերի 17-ին համերգի ժամանակ։ Նա Արփիի հետ զուգերգից հետո բեմ էր հրավիրել տղաների, որոնք իրենց հետ բերել էին վարդերի 7 մեծ փունջ։
Մինչ Արփին զարմացել ու անակնկալի էր եկել ծաղկեփնջերից, Միհրանը գրպանից հանել էր մատանին ու ցույց տվել հանդիսատեսին, հետո մոտեցել էր Արփիին ու ամուսնության առաջարկ արել։
