Այսօր լրագրողների հետ զրույցում ԱԺ ԲՀԿ խմբակցության պատգամավոր Գևորգ Պետրոսյանը դժվարացավ գնահատական տալ Սերժ Սարգսյանին առաջադրված մեղադրանքին, քանի որ ծանոթ չէր դրան։
Նա դժվարացավ ասել՝ Սերժ Սարգսյանին որքանով է պարտք այս իշխանությունը, եւ արդյոք այս ամենը նաեւ նրան լռեցնելու փորձ է։
Պետրոսյանը անդրադարձավ նաեւ Աբու Դաբիի թագաժառանգի հետ կապված հայտնի պատմությանը։
«Թագաժառանգի անունը տվող մարդը սկի 3 կիլոմետրից թագաժառանգ չի տեսել իր կյանքում։ Տո, ի՞նչ կապ ունի, թագաժառանգ ա եղել, թագավորի տղա է եղել, հորոխպոր տղա ա եղել, մորքուրի մարդ ա եղել: Էդ մարդիկ եկել են 2 միլիարդ դոլարի ներդրում անելու։
Մենք, փոխանակ կարևորենք, թե ինչի համար են եկել, ասում ենք՝ նրա անունը թագաժառանգ էր, թե չգիտեմ ինչաժառանգ։ Ինչ վերաբերում է դրես կոդին, նրանք շորտիկ-պլավկիով չեն գնացել քաղաքապետարան։ Պաշտոնական հանդիպումներ կան՝ քաղաքապետն էլ է ջինսով գնում։ Բա դրա մասին ինչի՞ չեն հիշում»։
Մանրամասները՝ ArmLur-ի տեսանյութում:
