Խոշոր հրդեհ էր բռնկվել Պուշկինի փողոցում գտնվող «Դոլմամա» ռեստորանի տանիքում: Դեպքի վայր էր մեկնել մի քանի մարտական հաշվարկ: Ժամանեցին նաև ԱԻ նախարար Ֆելիքս Ցոլակյանն ու Բարձր տեխնոլոգիական արդյունաբերության նախարար Հակոբ Արշակյանը:
ԱԻ նախարար Ֆելիքս Ցոլակյանը լրագրողների հետ զրույցում մանրամասներ էր ներկայացրել «Դոլմամա» ռեստորանի տանիքում բռնկված հրդեհից։ «10 մարտական հաշվարկ է աշխատում, ջրի խնդիր չունենք:
Միակ բանը, որ գիտեմ՝ երկրորդ հարկում վերանորոգման պրոցես է, կրակը տանիքից է սկսվել: Դոլմամայի անկյունն էր բռնկվել, հանգցրեցին ու չթողեցին տարածվել: Հրդեհի պատճառը դեռևս հայտնի չէ. տուժածներ չկան»:
Բնակիչները վստահ են , որ հրդեհը միտումնավոր կազմակերպված էր։
Նյութի աղբյուր՝ 24news.am