Ինչպես ավելի վաղ տեղեկացրել էինք, վարչապետ Նիկոլ Փաշինյանն այսօր Սուրբ Ղազար կղզում է՝ Վենետիկի Մխիթարյան միաբանությունում։ Նա ափսոսանք հայտնեց, որ այցի ֆորմալ առիթը ջրհեղեղն է եղել, սակայն միշտ էլ առիթ փնտրել է այստեղ այցելելու համար։
Փաշինյանն ասաց, որ Մխիթարյան միաբանությունը կարևոր դեր է ունեցել հայկական իրականության և պատմության համար, ու համոզմունք հայտնեց, որ հետագայում էլ շատ կարևոր դեր պետք է ունենա՝ հայագիտական ժառանգության շնորհիվ։ Նրա խոսքերով՝ հայագիտական մեծ ժառանգության շնորհիվ միաբանությունը կարևոր դեր է խաղացել հայկական ինքնության պահպանման գործում։
Նա հայտնեց, որ իր ներկայացրած կուսակցության՝ «Քաղաքացիական պայմանագրի» համար կարևոր է հայկական ինքնության պահպանումն ու զարգացումը։
Իմ գրառումը Մխիթարյան միաբանության այցելուների մատյանում:
Posted by Nikol Pashinyan / Նիկոլ Փաշինյան on Wednesday, November 20, 2019