Ազգային ժողովի ամբիոնից Նաիրա Զոհրաբյանի ելույթի ժամանակ իմքայլական Քրիստինե Պողոսյանը տեղից անհամաձայնություն հայտնեց ու աղմկեց, ինչին Զոհրաբյանը պատասխանեց․
«Տիկի´ն, խնդրո´ւմ եմ, մի´ խանգարեք, Ձեր ազգանունը չեմ հիշում, Քրիստինե է անունը, մի´ խանգարեք»։
Ավելի ուշ ելույթ ունենալով՝ Պողոսյանը դիմեց Զոհրաբյանին։
«Հարգելի´ տիկին, Ձեր անունը լավ հիշում եմ, ազգանունը նույնպես, տիկի´ն Նաիրա Զոհրաբյան ջան … Երբ Դուք այստեղից, այս ամբիոնից մատ եք թափ տալիս և ասում, թե ով ինչ և ում կարող է հիշեցնել, խնդրո´ւմ եմ, ապրեք, անցեք Ձեր քաղաքական կյանքը այնպես, որ այստեղ նստած չամաչեք, որ ինչ-որ մեկը քաղաքական հետագծի մասին Ձեզ հիշեցնում է։ 2015 թվականի փետրվար ամիսը վկա»,- ասաց Պողոսյանը։
Այս անգամ տեղից աղմուկով պատասխանեց Նաիրա Զոհրաբյանը։
