Աշոտյանի խոսքով` Ազգային ժողովի ընտրության քարոզարշավը շատ սրընթաց է, և կանխատեսումները, որ իշխանական թևը քարոզարշավը կտանի` շարունակելով անհանդուրժողականության մթնոլորտը, ցավոք սրտի, իրականություն դարձան։
«Իշխանությունը փորձում է քարոզարշավի ծրագրային, քաղաքական, օրակարգային հարցերը փոխարինել մաղձով, հաթաթաներով` քաղաքական մրցակիցների, գերազանցապես ՀՀԿ–ի հասցեին»,– ասում է նա։
Աշոտյանը համարում է, որ սա անընդունելի քաղաքական հռետորաբանություն է։
«Ատելություն սփռողն անձամբ Նիկոլ Փաշինյանն է, որի թիմը հետևողականորեն վարկաբեկում է ՀՀԿ–ի քարոզարշավը»,– ասում է նա։
