«Ես ճանաչում եմ Վիտալի Բալասանյանին և շատ եմ ափսոսում, որ գեներալը դառնում է սազանդար, երբ որ նրա փափախի տակ փող են դնում ու ասում են, թե ինչ սազ նվագի: Բալասանյանը գլուխը պատին է տալիս, որ այդպիսի սպառնալիքներով է խոսում, խի նա ո՞վ է, որ տենց բաներ հայտարարի: Ի՞նչ է, նա ուզում է հոկտեմբերի 27 անի, հա՞ . գլուխը պատին կտա, իրա նմանները շատ են եկել ու գնացել, թող իրա տեղը վեր ընկնի, որովհետև Հայաստանն իր համար պալիգոն չի:
Ում համար, որ նա ծառայում է, թող նրանց տենց բաներ ասի, որովհետև հենց նրանք են մեր երկրի հետ թուրքի պես վերաբերվել»,- «Առաջին լրատվական»-ի հետ զրույցում շեշտեց ազատամարտիկ Ռազմիկ Թևոնյանը՝ անդրադառնալով Արցախի անվտանգության խորհրդի նախկին քարտուղար Վիտալի Բալասանյանի վերջին հայտարարություններին՝ ուղղված ՀՀ իշխանություններին և մասնավորապես վարչապետ Նիկոլ Փաշինյանին:
Ռազմիկ Թևոնյանի կարծիքով՝ Վիտալի Բալասանյանն ուղղորդվում է նախկին իշխանությունների կողմից և Արցախի ազատագրված տարածքներն Ադրբեջանին հանձնելու մասին մանիպուլյատիվ հայտարարություններով ցանկանում է անվստահություն սերմանել ու վարկաբեկել ՀՀ իշխանություններին:
«Դրա նման մարդկանց պետք է տանեն ու գեները ստուգեն՝ տեսնեն, թե դրանց մեջ ինչքանն է հայի գեն, ինչքանը՝ թուրքի, դրանց գեները լրիվ պիտի ստուգվի, որովհետև հայ մարդը էդպիսի բաներ չի կարող հայտարարել: Վիտոներն ու նրա նման մնացածները, նախևառաջ, թող մտածեն մեր բանակը թալանելու ու ապրիլյան դեպքերի ժամանակ մեր ունեցած կորուստների համար պատասխան տալու մասին»,-ասաց մեր զրուցակիցը:
