«Նորմալ է, ոչինչ։ Կարևորը ես ոչ մի կապ չունեմ Մարտի 1-ի հետ»։ Այս մասին ասաց նախկին ոստիկանապետ, ԱԺ նախկին պատգամավոր Ալիկ Սարգսյանը՝ անդրադառնալով իրեն առաջադրված մեղադրանքին։
Քիչ առաջ ՀՔԾ-ն հայտարարեց, որ Մարտի 1-ի քրեական գործի շրջանակներում Ալիկ Սարգսյանին մեղադրանք է առաջադրվել ՀՀ ՔՕ 308-րդ հոդվածի 2-րդ մասով, 314-րդ հոդվածի 1-ին և 334-րդ հոդվածի 1-ին մասերով։
«Հա ինչ կլինի որ, նորմալ է։ Մնում էր ասեի իսկ ու՞մ չի առաջադրվել։ Ի սկզբանե հայտարարում եմ, որ Մարտի 1-ի հետ ոչ մի կապ չունեմ, մնացածը կյանքը ցույց կտա»,-հավելեց Ալիկ Սարգսյանը։
Դեռ նախորդ տարի լրագրողների հետ զրույցում Ալիկ Սարգսյանը իրեն հռչակեց անմեղ։
