Փաշինյանի վարկանիշի հետ կապված.
Վերջին շրջանում իրենց շատ խելոք վերլուծաբանների տեղ դրած որոշ մարդիկ փորձում են մեզ համոզել, որ Նիկոլ Փաշինյանի վարկանիշը կտրուկ անկում է գրանցել:
Իհարկե ես չեմ բացառում, որ հանարավոր է հետհեղափոխական ժամանակաշրջանի հետ համեմատած, ինչ որ չափով Փաշինյանի վարկանիշը նվազած լինի, ու դա շատ բնական է և տրամաբանական: Օրինականության հաստատման, կոռուպցիայի դեմ պայքարի, բարձիթողի վիճակում գտնվող որոշ ոլորտների կարգավորմանն ուղղված քայլերը բնական է ոչ բոլորի սրտով են, կան մարդիկ և մարդկային խմբեր որոնց շահերից չի բխում նշածս փոփոխությունները: Եվ այդ ֆոնի վրա հնարավոր է Փաշինյանի վարկանիշի որոշակի անկում:
Բայց ինչ վերաբերվում է այն մարդկանց, ովքեր փորձում են մեզ համոզել, որ Փաշինյանի վարկանիշը կտրուկ ընկել է, ես մի խորհուրդ կտայի.
Նմանատիպ հայտարարություններ և կանխատեսումներ անելուց առաջ լավ կլինի հետևեք Վարչապետի տարբեր բնակավայրեր, հանրային վայրեր և հանրային տարբեր միջոցառումներին կատարած այցերին: Գրեթե ամենուր Վարչապետի շուրջ է հավաքվում նրան սիրող և հարգող մարդկանց հոծ բազմություն, ովքեր ցանկանում են տեսնել, բարևել և նկարվել նրա հետ: Այդ մարդկանց աչքերում փայլ կա, հույս կա, հավատ կա, ուրախություն կա, սեր կա: Նրան տեսնելու և բարևելու համար հերթեր են գոյանում: Հատկանշական է նաև, որ նախկինում այդ բնակավայրերում և նմանատիպ միջոցառումներին այլ առիթներով մարդկանց նման բազմություն երբեք չի հավաքվել:
Այսօր հետևում էի Գյումրվա օրվան նվիրված միջոցառումներին և կրկին ականատես եղա, թե ինչպես է ժողովուրդը հարգում և սիրում իր Վարչապետին:
Որոշ մարդիկ կարող են ինչ որ հարցերում համակարծիք չլինել Վարչապետի հետ, որոշ հարցերի շուրջ ունենալ տարբեր պատկերացումներ և մոտեցումներ, բայց միևնույն է մարդիկ գիակցում են, որ Նիկոլն իրենց Նիկոլն է, իրենց ընտրած Վարչապետը: Մարդիկ անկախ ամեն ինչից գիտակցում և հասկանում են, որ Վարչապետի գործողությունները ուղղված են ի նպաստ մեր երկրի և ի բարօրություն մեր ժողովրդի:
Այնպես որ զուր հույսեր մի փայփայեք, Վարչապետի վարկանիշը իչքան էլ որ անկում գրանցի միևնույն է շարունակում է մնալ և շարունակելու է մնալ բարձր: Այս ֆոնին քաղաքական դիակները և մեր պետությունը և ժողովրդին այս վիճակին հասցրած քաղաքական ուժերը կրկին լուրջ քաղաքական դերակատարություն ունենալու զուր հույսեր թող չփայփայեն:
Փաշինյանի վարկանիշի հետ կապված.Վերջին շրջանում իրենց շատ խելոք վերլուծաբանների տեղ դրած որոշ մարդիկ փորձում են մեզ…
Posted by Shavarsh Soghomonyan on Sunday, August 25, 2019
