«Կլոն» հանրահայտ սերիալի վերջին սերիան նկարահանվել է 2001թ.: Շատ ժամանակ է անցել, փոխվել են դերասանները: Հետաքրքիր է, որ փոքրիկ բրազիլուհուն անուն բերեցին հատկապես մանկական դերերը: Նա հայտնի դարձավ «Ընտանեկան կապեր» և «Կլոն» հեռուստասերիալներով:
Թատրոնի և կինոյի դերասանուհի Կարլա Դիասը ծնվել է 1990թ.: Նրա ծնողները ոչ մի կապ չունեն արվեստի հետ. նրանք աշխատում են բժշկության ոլորտում: Իսկ ահա նրանց դուստրը փոքր ժամանակից սիրել է տեսախցիկը:
2,5 տարեկանում նա իր առաջին փորձն է ձեռք բերել՝ նկարահանվելով գովազդային տեսահոլովակում: Կարլայի բարեկամները ասում են, որ տեսանյութը նվիրված էր բանկին: Աղջիկը մարմնավորել է Բրազիլիայի ապագան: Շուտով փոքրիկ տաղանդավոր աղջիկը բանկի գովազդային գործակալության հետ աշխատանքային պայմանագիր է կնքում:
Այդտեղ նրան տեսնում է ռեժիսոր Ժայմե Մանժարդիմը, որ, հետագայում աշխատելով «Կլոն» հեռուստասերիալում, հրավիրում է աղջկան այնտեղ նկարահանվելու:
7 տարեկանում Կարլան մեկնեց աշխատելու Արգենտինայում, որտեղ երկու տարի նկարահանվեց «Երեխաները» սերիալում:
Վերադառնալով Բրազիլիա՝ Կարլան աշխատանքային պայմանագիր է ստորագրում Globo հեռուստաալիքի հետ երկու սերիալի համար՝ «Ընտանեկան կապեր» և «Կլոն»: Երկու սերիալներում էլ Դիասը աշխատում է բրազիլացի հանրահայտ դերասանուհի Ջովաննի Անտոնելայի հետ:
«Կլոն»-ում նա խաղաց գլխավոր կերպարի՝ Ժադիի դստեր՝ Հադիջայի դերը: Ժադիի դերում խաղում էր Ջովաննի Անտոնելան: Այդ դերը Կարլային շատ մրցանակներ բերեց: Դրանցից մեկը «Լավագույն երիտասարդ դերասանուհի» մրցանակն է: Կարլան շարունակում է նկարահանվել ֆիլմերում և սերիալներում:
