Երեւանի նախկին ավագանու անդամ Սոնա Աղեկյանը, որը ներկայացնում էր «Երկիր ծիրանի» խմբակցությունը, այսօր բերման է ենթարկվել ոստիկանության բաժին:
Երեւանի Աղյուսագործների փողոցում ապրող մի քանի ընտանիք դիմել են Սոնա Աղեկյանին եւ Ազգային ժողովի պատգամավոր Նաիրա Զոհրաբյանին՝ իրենց կոյուղագծի խնդրով:
Բնակիչների փոխանցմամբ, հարեւանությամբ ապրող նախկին ու ներկա դատավորների ընտանիքը շաղախով խցափակել են կոյուղագիծը, որը գտնվում է նրա սեփականություն տարածքում: Այժմ Կոյուղագիծը չի գործում, տարածքում գարշահոտ է տարածվել:
Քաղաքապետարանն առաջարկել է փոխհամաձայնությամբ կառուցել նոր ընդհանուր կոյուղագիծ:
Սոնա Աղեկյանը քաղաքապետարան է ներկայացել կոյաջրերի տարայով: Նա դա բացեց եւ պահեց կոմոնալ տնտեսության վարչության պետ Արարատ Խաչիկյանի քթի տակ: Վերջինս նախ մի քանի անգամ հորդորեց հեռացնել այդ տարան, իսկ հետո շուռ տվեց գետնին: Դրանից հետո Սոնա աղեկյանինո ոստիկանները բերման ենթարկեցին:
