Չինաստանում անցկացրած արձակուրդը կտրուկ փոխել է Անգլիայի Շեֆֆիլդ քաղաքի 42-ամյա բնակիչ Բեն Մասքրոֆթի կյանքը:
Բենը մանկուց տառապել է ավելորդ քաշից, իսկ հասուն տարիքում կշռել է 178 կգ: 2015 թվականին նա որոշել է մեկնել Չինաստան, սակայն չի կարողացել բարձրանալ Չինական Մեծ պատն ավելորդ քաշի պատճառով: Դեպքն այնքան է ազդել Բենի վրա, որ նա որոշել է ամեն գնով նիհարել:
Նա վերանայեց իր սննդակարգը եւ սկսել զբաղվել բոքսով ու յոգայով: Դրա շնորհիվ 4 տարվա ընթացքում կարողացել է ազատվել 100 կգ-ից:
Փոխելով իր կյանքը՝ Բենը ծանոթացել է Քարենի հետ, որը հետագայում դարձել է նրա ընկերուհին: Այսօր տղամարդը կշռում է մոտ 76 կգ եւ մտադիր է իր սիրելիի հետ մեկնել Չինաստան ու այս անգամ նվաճել Չինական Մեծ պատը:
