Նիկոլ Փաշինյանը այս պահին գտնվում է Գյումրիում և պարբերաբար ուղիղ եթերներ մտնում:
Այս պահին նա ուղիղ եթերում հանդիպում է ռոք երաժիշտների հետ: Նիկոլ Փաշինյանն անդրադարձավ ռոք համերգ նվագող տղաներին և նշեց, որ նրանց կատարած գործը շատ կարևոր է.
«Պպզած Հայաստանն արդեն անցյալում է, մարդիկ կարող են շորտ հագնել, մորուք ունենալ, ինչպես ես ունեմ կամ այս տղաները: Դուք կարևոր գործ եք անում, ապրե՛ք, տղաներ»:
Վարչապետը լուսանկարվեց տղաների հետ և հայտնեց, որ այս տարվա սեպտեմբերի 21-ին Անկախության տոնը կանցկացվի Գյումրիում և այսուհետ ամեն տարի Անկախության տոնը կնշվի տարբեր մարզերում:
Նրա խոսքով՝ ինքը շատ կցանկանար, որ տղաները իրենց երգով մասնակցեն տոնին:
