Շարունակվում է «Իմ քայլը» դաշինքի քարոզարշավն Արարատի մարզում: Վերջին կանգառը Մասիս քաղաքն է, որտեղ ելույթի ժամանակ վարչապետի ժամանակավոր պաշտոնակատար Նիկոլ Փաշինյանն անդրադարձել է նաև ՌԴ նախագահ Վլադիմիր Պուտինի հետ հեռախոսազրույցին և ՀԱՊԿ նիստի հետ կապված հարցերին:
«Ռուսաստանի Դաշնության նախագահը մեր վերջին հեռախոսազրույցի ընթացքում առաջարկեց, որ ամսի 6-ին ՀԱՊԿ գագաթնաժողովը չանենք, քանի որ այսպիսի իրավիճակ է:
Ապա աշխատանքային կարգով քննարկենք իրավիճակը, լուծումները, որպեսզի պատրաստի լուծումներով գնանք, և ես համաձայնեցի, որովհետև կարծում եմ՝ աշխատանքային ընթացակարգերով այդ հարցը լուծելը ավելի ճիշտ է»,- այս մասին Վայոց ձորի մարզում քարոզարշավից հետո լրագրողների հետ զրույցում հայտարարեց ՀՀ վարչապետի պաշտոնակատար, «Իմ քայլը» դաշինքի առաջին համար Նիկոլ Փաշինյանը:
«Քանի որ հիմա էլի կոնսենսուս չունենք, Աստանան կրկնելը իմաստ չունի եւ կառուցողական չէ։ Պայմանավորվածությունը հետեւյալն է, որ մենք կշարունակենք աշխատանքային քննարկումները, մինչեւ որեւէ կոնսենսուսի հասնելը»,– հավելեց Նիկոլ Փաշինյանը։
