ԿԳՄՍ նախարարի մամուլի խոսնակ Անժելա Կժդրյանը մեկնաբանեց ` ի՞նչ ճակատագիր է սպասվում կենսաթոշակային տարիքի շուրջ 2500 մանկավարժներին:
Երբ ուսուցիչը հասնում է կենսաթոշակային տարիքի, այսինքն` լրանում է նրա 65 տարին, Աշխատանքային օրենսգրքով նա կարող է գնալ թոշակի: Եթե այդ ընթացքում դպրոցի տնօրենը նրա հետ կնքված պայմանագիրը չի դարձնում որոշակի ժամկետով կամ չի խզում, այդ աշխատակիցը շարունակում է աշխատել դպրոցում, իսկ նրա պայմանագիրը դառնում է անժամկետ:
Որոշումը` խզվի պայմանագիրը կամ շարունակի աշխատակիցը աշխատել, կայացնում է տնօրենը: Նույն կարգը, սակայն, չի գործում տնօրենների դեպքում, եթե լրանում է նրանց 65 տարին:
Լիազոր մարմնի` քաղաքապետարանի, մարզպետարանի, Կրթության, գիտության, մշակույթի եւ սպորտի նախարարության հետ է կնքված նրանց պայմանագիրը, եւ կարգի համաձայն տնօրենը գնում է թոշակի:
Ինչ վերաբերում է ուսուցիչներին, նրանց մնալ-չմնալու որոշումը կայացվում է տնօրենի կողմից: Ու այդ որոշումը կարող է պայմանավորված լինել անհրաժեշտության հանգամանքով, օրինակ` գյուղական դպրոցում համապատասխան մասնագետների բացակայությամբ, երիտասարդ մասնագետի առկայությամբ, որը գալիս է փոխարինելու կենսաթոշակային տարիքի հասած ուսուցչին ։
Ամբողջական հոդվածը կարող եք կարդալ այս հասցեով՝