«Ոմանք փորձում են Հայաստանը դարձնել սեւ ու սուգի հովիտ». Նիկոլ Փաշինյան

Մեղրիում «Իմ քայլը» դաշինքի առաջնորդ Նիկոլ Փաշինյանը ելույթն սկսեց նախօրեին ՏՏ ոլորտում համաշխարհային ներդրման համար ՀՀ պետական մրցանակի դափնեկիր, «Նեյշնլ Ինսթրումենթս» ընկերության համահիմնադիր Ջեյմս Թրուշարդի հետ զրույցից մանրամասներ ներկայացնելով:

Վարչապետի պաշտոնակատարը պատմեց, որ միլարդատեր ու աշխարհահռչակ հյուրին հարց է ուղղել՝ ինչ ներդրում ունի ԱՄՆ կառավարությունը Թրուշարդի հաջողությունների մեջ:

Նա պատասխանել է, որ միակ բանը, որ արել է՝ իր կրթության համար պայմաններ ստեղծելն է, «չլիներ այն դպրոցը, որում ես սովորել եմ, կմնայի մեր ֆերմայում»:

Ջեյմս Թրուշարդի պատասխանից Նիկոլ Փաշինյանը հասկացել է, որ ինքը և իր թիմը ճիշտ ուղու վրա են: Նրա խոսքով՝ «Իմ քայլ»-ի ծրագրային կարևորագույն դրույթներից մեկը քաղաքացիների համար պատշաճ կրթություն ապահովելն է, որպեսզի չորս տարեկանից սկսած երեխաները ներգրավվեն կրթական համակարգում:

Վարչապետի պաշտոնակատարը նշեց, որ Մեղրիում այդ ծրագիրն ավելի խորքային է իրականացվելու, Մեղրիում հիմնովին կվերանորոգվի մանկապարտեզի շենքը:

Loading

Մի մոռացեք կիսվել Ձեր ընկերների հետ