ՀՀ վարչապետ Նիկոլ Փաշինյանը ֆեյսբուքյան իր էջում տեսանյութ է հրապարակել և կից գրառում կատարել․ «Մի քիչ թռվռացինք պուճուրների հետ»:
Հիշեցնենք, որ այսօր՝ հունիսի 14-ին ՀՀ վարչապետ Նիկոլ Փաշինյանն աշխատանքային այցով Լոռու մարզում էր։ Այժմ մարզի «Հայաստանի մանուկներ» բարեգործական հիմնադրամի (ՔՈԱՖ) ՍՄԱՐԹ կենտրոնում կազմակերպվել է «ՍՄԱՐԹամեջ» միջոցառումը, Նիկոլ Փաշինյանը եւ ՔՈԱՖ-ի հիմնադիր դոկտոր Կարո Արմենը ելույթներ են ունեցել:
Վարչապետն իր խոսքում նախ շնորհակալություն հայտնեց Կարո Արմենին՝ Հայաստանի սրտում, Լոռիում՝ Թումանյանի ծննդավայր Դսեղում նման կենտրոն հիմնելու համար:
Նիկոլ Փաշինյանը նշեց, որ հեղափոխության կարեւորագույն ձեռքբերումներից մեկն է համարում այն, որ սփյուռքի մեր հայրենակիցները որոշել են ոչ թե հագուստով, սնունդով կամ գումարով օգնել իրենց հայրենիքում ապրող մարդկանց, այլ որոշել են ներդրումներ կատարել, աշխատանք եւ աշխատատեղ հիմնել, գալ ու հաստատվել իրենց երկրում, այդպիսով աջակցել իրենց հայրենիքին:
