Ուրբաթ օրը Երևանում փորձնական երթուղի է դուրս եկել №26 նոր ավտոբուսը, որի երկարությունը կազմում է 16 մետր։
Ըստ տեղեկությունների, ավտոբուսը գերմանական Man արտադրության է և Ֆրանսիայի Լիոն քույր–քաղաքի նվերը Հայաստանին։
Երևանի ավագանու անդամ Աշոտ Սարգսյանն իր Facebook–ում հրապարակել է նոր ավտոբուսի լուսանկարը։ «Փորձարկումը սկսված է, ասում են քաղաքացիները գոհ են»,– գրել է նա։
Օգտատերերը Համացանցում նույնպես ակտիվ կիսվում են ավտոբուսի` սեփական լուսանկարներով և կանաչ ճանապարհ են մաղթում շարժակազմին։
