Լրատվակայն կայքերից մեկը՝ Lurer.com-ը, որն ավելի շատ հայտնի է որպես ԲՀԿ-ականների շահերը սպասարկող կայք, այսօր հրապարակել էր իրականությանը չհամապատասխանող մի հոդված:
Հոդվածում լրատվական կայքը հիմնվել էր Քոչարյանի աջակիներից մեկի տարածած սուտ ինֆորմացիայի վրա:
Ֆեյսբուքյան օգտատեր Հայկ Աթոյանն իր էջում գրել է․
«Սիրելի՛ հայրենակիցներ, խայտառակ պարտության հանրայնացումից խուսափելու նպատակով՝ «Իմ քայլը» ֆեյսբուքյան էջը հեռացրեց երկու հարցումներն էլ, որից մեկում՝ արդեն հարցվածների 59%-ը դժգոհել էր Փաշինյանի վարչապետությունից, իսկ երկրորդում 63%-ը դժգոհում և շարունակում էր դժգոհել:
Հ.Գ. Շնորհավորում եմ բոլոր՝ իրավիճակը սթափ գնահատող, ադեկվադ, հայրենասեր, քրիստոնյա մարդկանց առաջին հանրային մեծ հաղթանակի կապակցությամբ, սա ավելի նյարդայնացնող էր քայլածների համար, քան Աբովյանի ընտրությունները»:
.
Իրականում Հայկ Աթոյանի նշած «Իմ ՔԱՅԼԸ» էջը կեղծ է և ընդհանրապես կապ չունի «Իմ Քայլը» խմբակցության հետ:
Այս մասին վերջին օրերս բազմիցս բարձրաձայնել են ֆեյսբուքյան օգտատերերը, իսկ ոմանք արդեն հասցրել են բողոքել ֆեյսբուքին, էջը հրապարակումից անջատելու համար, քանի որ էջից արվում են հրապարակումներ, որոնք չեն համապատասխնում իրականությանը:
Արդյունքում ԲՀԿ-ականների շահերը սպասարկող Lurer.com-ի տպագրած հոդվածը, իրականության հետ ոչ մի աղերս չունի և դրանով իսկ փորձ է արվում վարկաբեկել վարչապետ Փաշինյանի վարկանիշը:
