Ներկայացնում ենք առանց թխելու տորթ մրգերով:
Բաղադրիչները՝
500 գ. թթվասեր
300 գ. միրգ կամ հատապտուղ
200 գ. բիսկվիթ կամ թխվածքաբլիթ
200 գ. շաքարավազ
30 գ. Դոնդող
Պատրաստման եղանակը
Դոնդողի վրա կես բաժակ սառը ջուր լցրեք և թողեք կես ժամ ուռչի: Երբ դոնդողն ուռչի, այն դրեք ջրային գոլորշու վրա և դանդաղ խառնեք մինչև գնդիկներն ամբողջովին լուծվեն:
Խորը ամանի մեջ հարեք թթվասերը և շաքարավազը: Առանց դադարելու հարել և ստացված խառնուրդին բարակ շիթով ավելացրեք դոնդողը:
Առանձին խորը ամանի հատակին սննդային թաղանթ դրեք: Մրգերը կեղևազատեք և կտրտեք մանր կտորներով: Բիսկվիթն էլ կտրտեք (կամ մանրացրեք թխվածքաբլիթը):
Խառնեք մրգերը և բիսկվիթի կտորները: Հետո այդ ամենի վրա ավելացրեք թթվասերով կրեմը և ծածկեք սննդային թաղանթով: Դեսերտը սառնարանը դրեք 2-3 ժամով:
Ժամկետի ավարտին տորթը հանեք սառնարանից և տարան շրջեք գեղեցիկ ամանի մեջ:
