Ազգային ժողովի «Քաղաքացիական պայմանագիր» խմբակցության պատգամավոր Վաղարշակ Հակոբյանի խոսքով՝ Հայաստանի Հանրապետությունում որևէ մեկը չի կարող գրված և արձանագրված օրենքներից դուրս գործողություն իրականացնել:
Ըստ պատգամավորի՝ էական չէ, թե այդ անձն ով է, և ինչ տրամաչափի գործիչ է:
Այս մասին նա ասում է «Հայկական ժամանակ»-ի հետ զրույցում՝ անդրադառնալով ռուսաստանաբնակ գործարար Սամվել Կարապետյանի կալանավորմանը:
Վաղարշակ Հակոբյանի խոսքով՝ որևէ մեկը չի կարող քաղաքացիական բախումներ հրահրել՝ իր բիզնես գործունեության լծակները օգտագործելով:
Ըստ իշխող ուժի անդամի՝ Հայաստանի ներքին քաղաքական կյանքին ոչ մեկը չի կարող խառնվել. սա տարբեր գործիչներ պետք է արձանագրած լինեն:
Անդրադառնալով այն խոսակցություններին, թե Սամվել Կարապետյանին փորձում են դերակատար դարձնել 2026 թվականի ընտրությունների համար՝ պատգամավորը նկատում է՝ երկքաղաքացի հանդիսացող անձը չի կարող քաղաքական գործընթացներում դերակատար լինել:
Առավել մանրամասն՝ հարցազրույցում:
