Իրանի Ղազվին քաղաքի օդանավակայանի մոտ օրերս ուսումնական ուղղաթիռ է կործանվել, ինչի հետևանքով օդաչուն և երկրորդ օդաչուն վիրավորվել են, հայտնում է Mehr-ը՝ հղում անելով տեղի իշխանություններին։
Ղազվինի հրշեջ ծառայության գլխավոր տնօրենի խոսքով՝ ուսումնամարզական ուղղաթիռն ընկել է տեղական ժամանակով ժամը 09։00-ի սահմաններում Ղազվինի օդանավակայանին հարող գյուղատնտեսական դաշտում։
Բժշկական աղբյուրը հայտնել է, որ տուժածներին՝ տղամարդ և կին, հաջողվել է փրկել և տեղափոխվել հիվանդանոց՝ բուժման համար: Տուժածները ստացել են բազմաթիվ վնասվածքներ և ներկայումս գտնվում են բժիշկների հսկողության տակ։
Վթարի պատճառները հետաքննում են համապատասխան մարմինները։
