Երկնակամարում արև ես դու վառ,
ԵՎ հպարտություն բոլորիս համար,
ՈՒ պայքարելու քո ջահով պայծառ,
Լուսավորում ես ուղին մեզ համար:
Ստրկամտության բիրթ ճիրաններից,
Ազատագրեցիր դու մի ողջ ազգի,
ԵՎ ազատության ծարավն հագեցավ,
ԵՎ մարդն հավատաց ուժին իր կամքի:
Միավորեցիր սփյուռք ու հայրենիք,
Ոտքի հանեցիր ահել ու ջահել,
ՈՒ կարողացար քո քայլով խրոխտ,
Մեր հոգու բոցը միշտ արթուն պահել:
Կանցնեն տարիներ և դարեր կանցնեն,
Կգա նոր սերունդ, ուժեղ, քաջարի,
Քո կերտած երկրում կյանքը կծաղկի,
Մարդիկ կլինեն անկեղծ ու բարի:
հեղինակ ԿԱՐԱՊԵՏ ԲԵԳԼԱՐՅԱՆ