Միլանի «Ինտերի» հայ կիսապաշտպան Հենրիխ Մխիթարյանը հունվարի 13-ին բուժզննման է ենթարկվել:
Այս մասին հայտնել է ակումբի պաշտոնական կայքը՝ նշելով, որ հետազոտության արդյունքներով չեն հայտնաբերել լուրջ վնասվածքներ՝ միայն ձախ ազդրի մկանների փոքր ձգվածություն։
Այնուամենայնիվ, քիչ հավանական է, որ նա կկարողանա մասնակցել հունվարի 15-ի կայանալիք Ա Սերիայի 21-րդ տուրի «Բոլոնիայի» դեմ տնային հանդիպմանը:
Ավելի վաղ մկանային խնդիրների պատճառով Մխիթարյանը բաց էր թողել Ա Սերիայի 20-րդ տուրի «Վենեցիայի» դեմ հանդիպումը:
