Դատարանի վճռով (հաշտության համաձայնությամբ) Երևան քաղաքի Կողբացի փողոցի 36/3 հասցեում կառուցված համալիրի 1-ին և 2-րդ հարկերից շուրջ 240 քմ մակերեսով տարածքները և մակերեսին համապատասխան հողամասը փոխանցվել է Հայաստանի Հանրապետությանը: Այս մասին հայտարարել է վարչապետ Նիկոլ Փաշինյանը։
«Շուկայական արժեքը՝ շուրջ 1 միլիարդ դրամ»,-նշել է նա:
Հիշեցնենք՝ գործը վերաբերում է մեկ այլ քրեական գործի, որն առնչվում է «Երևանի Պ. Չայկովսկու անվան միջնակարգ երաժշտական դպրոց» ՊՈԱԿ-ին անհատույց օգտագործման իրավունքով տրամադրված՝ Երևանի Կողբացի 36 հասցեում գտնվող հողամասից 300 քմ մակերեսով տարածքը խարդախությամբ հափշտակելուն։
Քրեական վարույթով մեղադրյալ, ՀՀ մշակույթի նախկին նախարար Հասմիկ Պողոսյանի վերաբերյալ մասն անջատվել և ուղարկվել է Հակակոռուպցիոն դատարան:
