Աբու Դաբիի հյուրանոցներից մեկում «Վրացական երազանքի» պատգամավորներ Իրակլի Զարկուան, Վիկտոր Սանիկիձեն և Գելա Սամխարաուլին հարձակվել են Վրաստանի ընդդիմադիր քաղաքացու վրա։
Ծեծկռտուքի տեսագրությունները սոցիալական ցանցերում տարածել է հենց ինքը՝ միջադեպի մասնակից Լաշա Գաբիտաշվիլին։ Նա պատմել է, որ հունվարի 12-ին Աբու Դաբիում «Վրացական երազանքի» պատգամավոր Իրակլի Զարկուային դավաճան է անվանել ու հայհոյել։
«Ես իջա նախաճաշելու և մենակ նստեցի։ Նրանք դեռ վրդովված էին երեկվա իրադարձություններից և հարձակվեցին ինձ վրա»,- ասել է Գաբիտաշվիլին։
Նա հրապարակել է երեք տեսանյութ, որտեղ երևում են դրվագներ ծեծկռտուքից։
