Քալիֆորնիայում անտառային հրդեհների զոհերի թիվը հասել է 16-ի, ևս13 մարդ անհետ կորած է համարվում, հայտնում է NBC News-ը։
Պաշտոնյաները նախազգուշացրել են՝ զոհերի թիվը կարող է աճել, երբ հրդեհաշիջման աշխատանքներից հետո փրկարարները կարողանան մուտք գործել հրկիզված տարածքներ:
Այրվել են հազարավոր տներ, մոտ 180 հազար մարդ տարհանվել է։ Ըստ ամերիկյան լրատվամիջոցների՝ հրդեհներն արդեն 135-ից 150 միլիարդ դոլարի վնաս են հասցրել։
