ԱԺ «Քաղաքացիական պայմանագիր» խմբակցության պատգամավոր Հայկ Սարգսյանի ու Տավուշի մարզպետ Հայկ Ղալումյանի միջև վիճաբանության, քաշքշուկի տեղեկությունները չափազանցված են:
Այս մասին լրագրողների հետ զրույցում հայտնել է ԱԺ «Քաղաքացիական պայմանագիր» խմբակցության պատգամավոր Ալխաս Ղազարյանը:
«Լուրը չափազանցված է: Տարբեր հարցերի շուրջ քննարկումներ լինում են, բնականաբար, կարող են լինել կարծիքներ, որ չհամընկնեն, բայց քաշքշուկ, բռունքցներ ու նման բաներ իսկապես չեն եղել ո՛չ նիստում, ո՛չ դրսում»,- ասել է Ղազարյանը:
Նրա խոսքով, գուցե նիստից հետո դրսում զրույցը նման տպավորություն է թողել, բայց, եղել է ընդամենը զրույց, քննարկում:
Նշենք՝ մամուլի որոշ հրապարակումների համաձայն, ՔՊ փակ նախաձեռնող խմբի նիստը թեժ ընթացք է ունեցել և ավարտվել է քաշքշուկով։ Հրապարակումների համաձայն՝ վիճաբանությունը ՔՊ խմբակցության պատգամավոր Հայկ Սարգսյանն ու Տավուշի մարզպետ Հայկ Ղալումյանի միջև է եղել: Պատճառը Տավուշում տիրող բնապահպանական վիճակն է, ապօրինի հսկայածավալ ծառահատումները, ինչի մասին ՔՊ վերջին նիստերին խոսել է Հայկ Սարգսյանը:
