Սանկտ-Պետերբուրգի «Պուլկովո» օդանավակայանում քաղաքացիական թռիչքների ժամանակավոր սահմանափակումներ են մտցվել։
Այս մասին հայտնել է օդային տրանսպորտի դաշնային գործակալության ներկայացուցիչը։
«Քաղաքացիական օդանավերի թռիչքների անվտանգությունն ապահովելու համար Մոսկվայի ժամանակով ժամը 07:45-ից Սանկտ-Պետերբուրգի «Պուլկովո» օդանավակայանի շահագործման ժամանակավոր սահմանափակումներ են մտցվել։ Օդանավակայանը ժամանակավորապես չի ընդունում և չի սպասարկում թռիչքներ»,- ասված է հաղորդագրության մեջ:
Նշվում է, որ ինքնաթիռների անձնակազմերը և օդանավակայանի ծառայությունները ձեռնարկում են բոլոր անհրաժեշտ միջոցները՝ թռիչքների անվտանգությունն ապահովելու համար։
