«Մեր ժամանակների հերոս» Էրիկ Հախվերդյանն ինձ համար աշխատանքը սիրելու վառ օրինակ է․ Ավանեսյան

ՀՀ առողջապահության նախարար Անահիտ Ավանեսյանը ֆեսբուքյան իր էջում գրառում է կատարել «Մեր ժամանակների հերոսը 2024»-ի մրցանակաբաշխության վերաբերյալ։

«Կա՞ արդյոք ավելի ոգևորող բան, քան, երբ տեսնում ես, թե ինչպես է հայրենակիցդ, քո երկրի քաղաքացին հաջողության հասնում, նոր գործ ձեռնարկելով, գործ, որ հիմնված է բնության իմաստության և փոխշահավետ համագործակցության վրա:

Իմ հերոսի օրինակը ցույց է տալիս, որ բերք ու բարիք հնարավոր է ստեղծել ոչ թե քամելով բնական ռեսուրսներն ի հաշիվ էկոհամակարգի, այլ հակառակը, շենացնելով բնակավայրդ` հաշվի առնելով նաև ապագա սերունդների շահերը:

«Մեր ժամանակների հերոսը 2024»֊ի մրցանակը հանձնեցի Էրիկ Հախվերդյանին, որն ինձ համար շրջահայացության, սեփական ճանապարհը հարթելու և աշխատանքը սիրելու վառ օրինակ է»,- գրել է նա։

Loading

Մի մոռացեք կիսվել Ձեր ընկերների հետ